السلام عليكم اولا
بسم الله الرحمن الرحيم
انا مش هقول حاجه جديده عليكم
ولا هزود عن علمكم شئ
بس هزكركم
يمكن موضوعى مش مفيد بس انا حاسس بيه
قصة ادم عليه السلام
واصل الانسان
فى مننا ناس كتير بتسال ليه ربنا برحمته مخلقناش مهتدين علطول من غير خيار
ليه ربنا حملنا حمل العقل الى بنختار بيه مبين حرام وحلال نعمه وحمل
طبعا محدش فينا ليه انه يسال الله
وعارف كمان ان الاسلام هو التسليم المطلق لاوامر الله
يعنى ققول سمعا وطاعه من غير مسال ليه زى مبنسال
وانا بقول سمعا وطاعه
بس يمكن لو عرفنا حقيقتنا نتقى
كلنا عارفين الحقيقه بس مش فاهمنهه مش متخيلنهه
فى فرق مبين انك تعرف ان فى ربنا وانك تؤمن ان فى ربنا
ربنا الى اسكن ادم عليه السلام جنته ولولا عصيان ادم لاوامر الله
لولدنا كلنا فى الجنه
بعد مانطردنا من جنة ربنا جميعا
من رحمة ربنا علينا ورئفة بينا بدل ميرمي ادم فى النار
بدل منتولد كلنا فى النار
وضع لنا اختبار الدنيا
وما الدنيا الى اختبار
فمن طاع الله يعود الى الجنه
يعنى من رحمة ربنا بينا ومن شدة حبو لينا ادانا امتحان تانى
واحنا برده مش مؤمنين بيه
الموت
كلنا بنقول مؤمنين بالموت!!
فين ايمانكم !!
مين انهارده لما بقول فلا هيموت مبيقولش بعد الشر ؟
انى شر ؟؟
هوه انت اما تبقى فى ايد ربنا ده شر فى نظرك
مين فينا اما بيشوف مريض بيقول انا خلاص راجع لربنا مبيقولوش متقولش كده بكره ترجع بيتك
ياخى بالله عليك بالله عليك سيبه لما بيقول كده ده بيتوب لله لما بيقول كده ده الاخره الى فى قلبه
وانت اما بتقوله كده بتزود الدنيا فى قلبه
وكل لما زودت الدنيا فى قلبه بعدته عن زكر الله
فى قصة كانت بتقول :
شاب كان عاقد قرانه بس لسه كان فاضل على بنائه اسبوع
وعمل حادثه
وفى المستشفى فضل يقول هتولى مراتى عاوز اشوفهه عاوز اشوف مراتى
واخوه يقوله قول لا اله الا الله
يقولو عاوز اشوف مراتى انا خلاص عاوز اموت
وهكذا
اخوه اخر مزهق صرخ فيه قاله يبنى قول لا اله الا الله
فقال اشهد ان لا الله الا الله وان محمد رسول الله
يارب انى استغفرك واتوب اليك فاقبلنى بين يديك
ومات
شوف ساعة مكان بيقول هاتولى مراتى عاوز مراتى دى الدنيا جواه
واخوه بيزكره بالاخره
مقلوش اخوه بكره تشوفهه وترجعلهه بالسلامه
مزودش الدنيا فى قلبه
بالله عليكم ناس بتدعى ادعيه مش فى صالح بعضهه وتفتكر انه ده الدين
ناس بتفتكر انها ص وهيه غلط
بالله عليكم فكرو
مين الرحيم على عاده
مين الى هيصون موتاه
الموت ده خير ولا شر
اما تبقى بين ايد ربنا وحده خير ولا شر
ناس هتقول الموت فراق
قلوبهم فيهه دنيا مش باصين للاخره مش شايفين الحق عارفينه بس مش مؤمنين بالحق
الموت فراق للميت ومين هوه الميت الميت عبد لله والله استرده ومفيش حد فينا ليه حقوق على الميت الا الله
بنشوف فى مقابرنا البكاء الزايد والناس الى بتنهار ده غلط
اكبر غلط
مش هقول الروح بتسمعك وتبكى والكلام ده لاء
بس ليه تعد تعيط جمب الروح بدل متقول الهم ثبتها عند السؤال ويمكن دعوتك دى هيه الى تثبتهه
ليه تنهار وتبطل دعا لربنا وتخلى خمسه حوليك يبطلو دعا عشان يهدوك وتقول اصلى كنت بحبه
بتحبه تحرمو من امله الاخير
الاعمال مش بتنتهى بالموت
بيبقى لسه فاضل عمل
عمل واحد
فاضل السؤال
اقفو كلكم جمب موتاكم فالسوئال
ادعولهم
الهم ثبتهم عند السؤال وقهم عزاب النار والقبر
وبس من غير بكا
ليه البكا غلط طيب وانا بدعى منا بدعى وببكى فى نفسى وفيهه ايه ؟
ققولك
انت كده مش بتدعى للاسف كلنا ظنين اننا بندعى بس احنا مش بندعى
احنا بنقول اللهم ارحمه ونفضل بصين للميت ومش مؤمنين بالجمله الى بنقولهه يمكن عارفين قيمتهه جوانا بس واحنا بنقولهه مش بنبقى متدرعين لله
مش بنبقى بنقول الجمله من قلبنا لله احنا بنبقى بنقولهه للميت
واحنا مش المفروض ندعى الميتين احنا بندعى الله
ركز فى رحمة ربنا وبس
لو بكيت ابكى من خشية الله
ابكى عشان شايف نفسك يومه نازل تقابل ملكين
ولسانك هيتربط مش هتعرف تتكلم من شدة الخوف
ابكى لانك شايف الميت عامل ازاى فى خيالكك وشوف ربنا قادر ازاى
شوف ربنا رحمك طول العمر ده واداك فرصه ازاى
شوف رحمة ربنا وصلتلنا كتير وفوتناها ازاى
شوفه ربنا حبنا واحنا كرهناه ازاى
للاسف كل ادعيتنا دلوقتى بقت عادات مش ايمان
الدعى مش عادة
يعنى مش اروح للميت اقول اللهم ارحمه عشان الجمله دى انا حافظ ومعتاد انهه بتتقال للميت
انا بقولهه ايمان برحمة ربنا
انا بقولهه تدرع لربنا
انا بقولهه طلب لمغفرة ربنا
الهم اعدنا جميعا الى جنتك واغفر لنا وتوب علينا وارحمنا
وقنا عزاب النار والقبر
وهون علينا سكرات موتنا
وثبتنا عند السؤال
الهم ثبتنا عند السؤال
الهم ثبتنا عند السؤال
موضوع: يا بنى ادم انما دنيانا رحمة من الله علينا فاعبدوه يزيدكم الله رحمه 
الأربعاء 11 نوفمبر 2009 - 13:45
